Поголемиот дел од состојките ги имаме дома во секое време, а вие можете слободно да импровизирате со некои од нив.
Основата на смесата се состои од класични состојки: јајца, јогурт, масло, брашно, прашок за пециво… А она што му дава вкус на овој куглоф се шунка и кисели краставички исечени на мали коцки и распарчено фета сирење.
Состојки:
- 4 јајца
- 1 лажичка сол
- 200 мл јогурт
- 200 мл масло
- 1 лажичка оригано
- малку бибер
- 300 гр остро брашно
- 1 прашок за пециво
- 100 гр кисели краставички
- 150 гр шунка
- 150 гр фета сирење
Повеќе:
- 80 гр сирење Трапист/кашкавал
- лист магдонос/ оригано за посипување
Подготовка:
Калапот за куглоф убаво премачкајте го со путер или маргарин. Вклучете ја рерната на 200 степени.Киселите краставички и шунката исечкајте ги на мали коцки.
Во пластичен сад ставете цели јајца и сол и матете со миксер 3-4 минути. додека не се запени убаво. Додадете јогурт, масло, оригано и бибер и повторно измешајте. Потоа додадете го брашното измешано со прашокот за пециво и убаво измешајте со миксер во изедначена смеса.
На самиот крај додадете ги краставиците и шунката исечкана на ситни коцки и издробеното фета сирење за да има неколку покрупни парчиња. Сето тоа се меша рачно со лажица и смесата се става во подмачкан калап за куглоф.
Ставете го во загреана рерна на 200 степени, околу 20 минути, па проверете, па ако мислите дека куглофот е веќе жолт одозгора, намалете ја температурата на 180 степени и печете уште 15-20 минути, па вкупно околу 35-40 минути.
Извадете го куглофот од рерна, оставете го да се излади околу 5 минути. па извадете го од калапот на поголем плех на кој сте ја ставиле хартијата за печење. Врз куглофот посипете изрендан кашкавал и вратете го во рерна уште 10 минути да се растопи кашкавалот и малку да се запече. На овој начин и страните на куглофот ќе добијат фина крцкава кора.
По желба посипете го со малку листови магдонос или оригано, само за декорација, изладете го малку и исечете го на кришки. Послужете со чаша јогурт.
Пријатно!
