Името доаѓа од готовата, замрзната мешавина од зеленчук што содржи моркови, карфиол и брокула. Освен што е вкусна, оваа супа се подготвува и многу брзо!
Ако не ви се допаѓа оваа комбинација на зеленчук, секогаш можете да изберете друга (онаа за руска салата е одлична замена).
- Advertisement -
Состојки:
- 3 млади кромидчиња
- 1/3 праз
- 450 грама мешавина (морков, брокула, карфиол)
- зачин, бибер
- 1100 мл вода
- 1 коцка говедска супа
- 1 јајце
- 2 лажици павлака
Подготовка:
Ситно исецкајте го кромидот и пржете на малку масло. Додадете ја мешавината од зеленчук и зачинете. По кратко пржење, истурете вода и додадете коцка супа.
Покријте и варете додека зеленчукот не омекне. Извадете ја супата од оган и по неколку минути полека истурете ја рачно изматената мешавина од јајца и павлака, постојано мешајќи ја чорбата со вилушка. Така таа ќе добие убава густина. Послужете топло.
Добар апетит!
