Многу фино тесто за мафини, кое може да се испече и како колач во било кој калап. Се приготвува од состојки кои веќе ги имате во кујна, без јајца и без миксер!
Љубителите на кокосот ќе ги обожаваат.
Состојки:
- 1,5 шолја шеќер (шолја за чај од 200 мл)
- 1 ванилин шеќер
- 1 прашок за печиво
- 2 шолји брашно
- 1 шолја кокос
- 1 шолја млеко
- 1 шолја масло
- 1 шолја јогурт
- шеќер во прав
Подготовка:
Прво измешајте ги сите суви состојки, со лажица, не ви е потребен миксер.
Потоа додадете ги постепено течните состојки и добро промешајте за да не останат грутчиња.
Можете целата смеса да ја излеете во некој калап за колач, или може да пополните калапи за мафини.
Ставете да се пече во претходно загреана рерна на 180 степени додека малку да заруменат, а потоа пробајте со дрвена чепкалка дали е ипечено тестото.
Печените мафини оставете ги малку да изладат, па извадете ги од калапот и наросете ги со шеќер во прав.
Од оваа количина се добиваат 15-тина мафини, во зависност од величината на калапите.
