Идеално гарнирче со главни јадења, а може да послужите и како предјадење на прослави или едноставно во време на пост да ви биде замена за ручек.
Состојки:
- 500 гр варен компир
- 200 гр варен морков
- 300 гр варен грашок
- 100 гр кисели краставички
- 250 гр посен мајонез
- 150 гр варена пченка
- сол, бибер
по желба можете да додадете сок од лимон, сенф, туна, лук, маслинки
Подготовка:
- Advertisement -
Сварете ги компирите со лушпа одделно, а другиот зеленчук можете да го готвите заедно. Потоа исечете се на коцки. Може да купите и замрзната смеса за руска салата, но салата подготвена на овој начин е повкусна.
Истурете компири, моркови, грашок, пченка и кисели краставички во поголема чинија. Додадете сол и бибер, а потоа истурете посен мајонез. Добро комбинирајте ги сите состојки.
Можете да го јадете веднаш, но повкусно е кога ќе оставите да отстои.
Пријатно!
