Кремаст ручек од печурки и пилешко месо.
Состојки:
- 600 гр или 6 шницли од бело пилешко месо
- 200 гр или 6 парчиња тенко исечен димен кашкавал
- 250 гр или 12 парчиња тенко исечена шунка
- 2 средни глави на млад кромид
- 400 гр маринирани печурки
- 2 лажици брашно
- 2 лажици мешавина од зачини
- сол, мелен пипер по потреба
- 4-5 чешниња лук
- 200 гр кисела павлака
- малку магдонос
Подготовка:
Шницлите исчукајте ги лесно со чекан за месо и зачинете ги со мешавина од зачини. Над нив ставете парче кашкавал, и над него, два прстени шунка. Се тркалаат во ролни, се зацврстуваат со чепкалки за заби за да не се отворат и се пржат, со многу малку масло, од сите страни додека не заруменат убаво.
Оставете ги пржените ролни на страна и оставете ги да се изладат, па исечете ги на кругови. Приближно, секоја ролна се сече на три дела.
Одделно пропржете го ситно исецканиот кромид додека не стане стаклест, а потоа додадете ги исечените шампињони и пржете додека не испари вишокот течност.
Потоа додадете брашно и истурете со две чаши вода, и со постојано мешање, варете додека не се згусне. Додадете зачини по вкус, ситно сецкан лук и павлака.
Убаво измешајте за да комбинирате се, а потоа пренесете ја смесата во сад во кој ќе го ставите јадењето да се пече.
Загрејте ја рерната на 220С. Наредете ги исечените ролни месо преку сосот и посипете го сецканиот магдонос. Печете во загреана рерна околу 15 минути.
Добар апетит!