Нема поубав и подобар рецепт од овој за овие слатки!
Состојки:
- 2,5 дцл вода
- 2,5 дцл млеко
- 1 шолја масло
- 300 гр брашно
- 0,5 кесичка прашок за пециво
- 4 јајца
Шербет:
- 600 гр вода
- 1 кг шеќер
- 1 сок од лимон
- 1 кесичка ванилин шеќер
Подготовка:
Во сад со средна големина измешајте вода, млеко и масло. Загрејте на повисока температура и оставете да зоврие. Намалете ја температурата на средно. Додека мешате, малку додадете брашно и прашок за пециво. Промешајте за да избегнете грутки. Оставете да се излади.
Изматете ги јајцата. Во претходно изладената маса додадете ги изматените јајца. Добро измешајте за да се изедначи масата. Од смесата која ја добивте направете тулумби со калап за тулумби.
Подготвените тулумби пропржете ги во длабока тава, со многу масло, додека не добијат златно кафена боја. Шербетот подгответе го така што од горенаведените состојки ќе ги ставите да зовријат околу 10 минути и потоа ќе ги прелиете тулумбите во подлабок сад. Послужете разладени.
Пријатно!
