Јагнешкото месо најчесто се наоѓа на празничната трпеза за Велигден.
Состојки:
- 700 гр јагнешко месо, бут
- 1 чешне лук
- 1 лажичка сол
- 1 прстофат свежо мелен пипер
- 2 лажици маслиново масло
- 1 лажичка рузмарин
- 1 лажичка мајчина душица
- 1 лажичка оригано
- 2 лажици пченично брашно, бело
- 1 чаша бело вино
- 1 чаша вода
- компири, млади
- домат, црвен
- тиквички
Подготовка:
Во аван и толчник, смачкајте го лукот со сол и бибер и измешајте го со маслиново масло. Премачкајте го јагнешкото месо со смесата, посипете го со оригано, мајчина душица, рузмарин и брашно, убаво истријте го да ги впие сите додатоци и ставете го во подлабок сад со капак.
- Advertisement -
Истурете вино во месото и чаша вода и печете во загреана рерна на 180 степени Ц околу два часа, додека месото не омекне. Во последните 35 минути на печење на месото, додадете излупен млад компир исечен на четвртини заедно со доматите и тиквичките исечени на поголеми парчиња.
Откако ќе заврши печењето, сервирајте го месото заедно со зеленчукот покрај него, на даска за сервирање за поубав амбиент.
Добар апетит!
