Ако сакате чизкејк со лимон, можеби ќе ви се допадне и варијација од овој рецепт на кој можете да додадете шлаг. Пита со лимон е еден од најпопуларните рецепти на кулинарскиот интернет портал Вкус на домот, а го погледнале повеќе од милион гурмани.
Состојки:
Кора:
- 150 гр брашно
- 25 гр шеќер во прав
- 125 гр путер
- 1 лажица ледена вода
- 1 лажица кисела павлака
Крем од лимон:
- 1 и 1/4 чаша шеќер
- 6 лажици брашно од скроб
- 1 и 1/4 чаша вода
- 1/2 лажиче сол
- 2 лажици путер
- 2 лажички рендана кора од лимон
- 1/2 чаша сок од лимон
- 4-5 лажици жолта боја за јадење за колачи по желба
Крем сирење:
- 310 гр крем сирење
- 3/4 чаши шеќер во прав
- 1 лажица сок од лимон
- шлаг, по желба
Подготовка:
Измешајте или замесете го рачно брашното со ладен путер исечен на ленти и другите состојки и обликувајте го тестото во топче, завиткајте го во крпа или пластична фолија и ставете го во фрижидер најмалку половина час.
Посипете го калапот со брашно и распоредете го тестото во него. Боцнете го на повеќе места со вилушка, поставете хартија за печење одозгора и сув грав или ориз за да не се крене тестото за време на печењето.
Печете на 180 степени Целзиусови 15-20 минути.
Измешајте 3/4 чаша шеќер, брашно од скроб и сол во сад и промешајте во водата, мешајќи постојано со жица за матење. Оставете да зоврие на тивок оган, а потоа намалете го и додадете го остатокот од шеќерот и варете го две минути.
Тргнете го од оган, промешајте го путерот, изренданата кора од лимон и по желба, бојата за торта. Измешајте го и сокот од лимон и оставете го да се олади на собна температура околу еден час.
За крем сирењето измешајте го крем сирењето и шеќерот во прав и сокот од лимон, и додадете го шлагот по желба.
Прелијте ја кората со крем од лимон а потоа одозгора и со крем сирењето и оладете го преку ноќ.
Уживајте!