Една торта со смешно име, но апсолутно фантастичен вкус.
Комбинацијата од лешници и чоколадо некако секогаш е драга да се види, а во оваа е поголем блендиран или сечкан лешник. Количината на чоколадо може да се дозира по ваш вкус, доколку мислите дека е многу, тогаш наместо оваа мека глазура одозгора можете да ставите слатка павлака, шлаг или нешто слично.
Состојки:
Кора:
- 9 белки
- прстофат сол
- 200 гр шеќер
- 1 жолчка од јајце
- 1 лажица брашно
- 1 лажица какао
- 150 гр блендирани лешници
Фил:
- 8 жолчки
- 13 лажици шеќер
- 500 мл млеко
- 30 гр какао
- 60 g густин
- 250 гр путер
- 100 гр чоколадо
- 100 гр блендирани или сечкани лешници
Чоколадна глазура:
- 100 гр чоколадо
- 3 лажици масло
- 3 лажици млеко
Подготовка:
Додадете прстофат сол во белките и мешајте додека не стане пенеста белката. Постепено додавајте шеќер и матете додека не се стегне. Додадете ја жолчката од 1 јајце и повторно изматете.
Во белките додадете крупно изблендирани или исечкани лешници, веднаш додајте брашно и какао и сè соединете.
Смесата истурете ја во обложен голем плех за рерна и печете во загреана рерна на 180 степени. Печете 20 минути и оставете ја кората да се излади, па извадете ја хартијата и исечете ја на два дела.
Жолчките се матат со 8 лажици шеќер и се ставаат на пареа да се варат. Гответе 10 минути, потоа тргнете ги од оган и изладете со повремено мешање. На оган ставете 300 мл млеко да зоврие. Измешајте го густинот, какаото, 5 лажици шеќер и 200 мл млеко, па сварете ги кога млекото ќе зоврие на оган.
Се трга од оган, се префрла во друг сад, па се покрива со фолија и се остава да се излади. Изматете го путерот на собна температура и додадете го пудингот од какао кој претходно сте го изматиле со миксер за да омекне. Измешајте сè, потоа додадете ги изладените жолчки и повторно изматете.
Растопете го чоколадото, изладете го малку, па додадете го добиениот крем, па додадете ги лешниците и соединете сè. Редете ја тортата така што ќе ставите кора, фил, кора фил.
На крај направете глазура, стопете го чоколадото со млеко и масло, за да биде малку помека при сечењето.
Пријатно!