Ви носиме десерт од лесни задоволства, идеални за летните денови
Состојки за тесто:
- 220 гр брашно
- 50 гр шеќер
- 1 прстофат сол
- 130 гр путер
- 1 јајце
- кора од лимон
Состојки за крем сирење:
- 2 жолчки
- 2 кесички ванилин шеќер
- 1 лажичка арома на ванила
- 8 лажици шеќер во прав
- 300 грама маскарпоне сирење
- 2 лажици јогурт
- 180 мл слатка павлака
Состојки со јагоди:
- 600 гр јагоди
- 1 лажица шеќер
- сок од еден лимон
Подготовка:
Изматете ги состојките за тестото и оставете го тестото да отстои половина час во фрижидер. Изладеното тесто развлечете го тенко во облик на круг и префрлете го во калап за пита. Рабовите на тестото мора да бидат високи 2 до 3 см. Тестото избоцкајте го со вилушка и печете во рерна на 180 Целзиусови околу 25 минути.
Јагодите исечете ги на половина, посипете ги со шеќер и сок од лимон, промешајте и оставете 30 минути на собна температура. Измешајте ги жолчките со ванилин шеќер, арома на ванила и две лажици шеќер во прав и промешајте да добиете лесен крем.
Потоа во кремот додадете го сирењето маскарпоне, јогуртот и преостанатиот шеќер во прав.
Се меша, па се додава слатката павлака. Изладеното тесто наполнете го со крем одозгора а потоа наредете ги јагодите во круг и украсете ги со листови босилек.
Пријатно!
