Кафето и чоколадната торта никогаш не треба да се одвојуваат. А кога кафето и чоколадото ќе се спојат во една торта – тогаш се случува магија
Торта со вкус на кафе и чоколадо е се што ви треба за вистинско уживање во текот на денот.
Состојки:
За кората:
- 2 јајца
- 20 рамни лажици кафеав шеќер
- 1 дцл масло
- 1,5 дцл млеко
- 10 лажици меко брашно
- 10 лажици остро брашно
- 1 лажица какао
- 1 лажица кафе
- 1 кесичка прашок за пециво
Фил:
- 25 рамни лажици кафеав шеќер
- 10 лажици вода
- 50 гр чоколадо
- 200 гр маргарин
- 100 гр мелени лешници
- 100 гр мелен бисквит
- 1 лажичка кафе
Прелив:
- 100 гр чоколадо
- 1,5 дл слатка павлака
Подготовка:
Во сад за матење се ставаат јајцата, се додава шеќерот и се матат со миксер додека не се раствори шеќерот. Потоа додадете ги другите состојки: маслото и млекото и измешајте. Во посебен сад измешајте ги двете брашна, какаото, кафето и прашокот за пециво. Соединете и измешајте сè на најмала брзина со миксер или лажица.
Вклучете ја рерната на 180 степени. На плехот ставете хартија за печење и истурете ја смесата, израмнете ја и ставете да се пече. По триесет минути земете чепкалка и проверете дали е печена кората. Извадете го колачот од рерна и оставете го да се излади. Отстранете ја хартијата за печење и повторно ставете го колачот во плехот.
За филот во мало тенџере сварете шеќер, вода, маргарин, кафе и чоколадо. Се трга од оган и се додаваат бисквитите и лешниците. Сè измешајте убаво и намачкајте ја печената кора и израмнете.
Кога ќе се олади, прелијте го со чоколадна глазура и слатката павлака, а неа ќе ја направите така што во тенџере на средна температура ставете ги чоколадото и слатката павлака, мешајте додека кремот и чоколадото не се соединат, но не смеат да зовријат. Прелијте со глазурата и оставете го целиот колач да се излади, па исечете го на коцки.
Уживајте во вашата торта!