Солените торти се одлични за сите видови прослави, но исто така се и вкусно предјадење. За некој кој сака лесен оброк може да послужи и како главно јадење.
Состојки:
- 15 пиперки
- 3 јајца
- 250 мл мајонез
- 200 мл павлака
- 200 гр шунка
- 200 гр кашкавал
- 100 гр брашно
- масло по потреба
- сол по вкус
- сусам по желба
- семки од сончоглед по желба
Подготовка:
Испечете ги пиперките, излупете ги и исчистете ги од семки, а потоа поделете ги на половини и испохувајте ги. Загрејте масло, и пиперката потопете ја првин во јајце па во брашно и пропржете кратко. Така повторете со сите пиперки.
Измешајте павлака и мајонез. Исечете ја шунката на тенки кругови, а кашкавалот на тенки парчиња.
Кога пиперката ќе се олади, распоредете ја во соодветен сад во кој ќе ја правите тортата. Почнете да редите по следниот редослед: похована пиперка на дното на садот потоа мешавина од мајонез и павлака, кругови шунка, пак павлака и мајонез смеса, парчиња кашкавал па пак мајонез и павлака смеса. Потоа повторете уште еднаш.
Наполнете ја тортата со преостанатата смеса. Посипете со рендан кашкавал, сусам и семки од сончоглед по желба.
Добар апетит!
