Превкусен рецепт за торта ”Наполеон” што ќе ве освои на првото залче. Верувајте, воопшто не треба некоја надареност за да ја направите.
Потребни состојки:
За подготовна на корите:
- 480 гр брашно
- 250 гр путер (ладно)
- 200 гр слатка павлака
- 2 јајца
- 1 ванилин шеќер
- 1 лажица бел оцет
- 1/2 лажиче сода
- 1/2 лажичка сол
За подготовка на кремот:
- 1,5 литри млеко
- 30 мл коњак
- 260 гр шеќер
- 200 гр путер (на собна температура)
- 120 гр брашно
- 6 жолчки
- 1 ванилин шеќер
- кора од 1 лимон
Начин на подготовка:
Путерот, павлаката и јајцата за корите се матат во блендер. Во истиот сад се додава сода помешана со оцет, сол и ванилин шеќер.
Откако ќе добиете хомогена смеса постепено додавајте брашно и замесете тесто, кое не треба да биде лепливо. Доколку е потребно, додадете повеќе брашно. Добиеното тесто замотајте го со провидна стреч фолија и оставете го во фрижидер 1 час.
Потоа тестото се дели на 15 парчиња. Секое парче се сука во тенка кружна кора со дијаметар од 24 см, која се боде по површината со вилушка.
Корите се печат една по една 2-3 минути, во плех со хартија, во рерна загреана на 220 степени, со вентилатор. Последните две кори се печат повеќе од останатите и се оставаат да нараснат.
За кремот, 100 мл млеко се меша со жолчките, брашното и ванилиниот шеќер.
Преостанатото млеко се истура во тенџере и само се загрева со шеќер.
Истурете ја смесата со жолчките во млекото и варете со постојано мешање, додека не се добие густ крем. Вака добиениот густ крем тргнете го од оган, истурете го во друг сад, покријте со фолија и оставете да се излади. Потоа со матење додадете го путерот, рендана кора од лимон и коњак.
Корите се редат една врз друга, кремот се распоредува меѓу нив и на крај се завршува со крем. Тортата се оставете во фрижидер 6 часа, да стегне.
Двете кори кои се печат повеќе, со темно кафеава боја, се кршат и се мешаат со 3 лажици шеќер во прав.
Пред да ја послужите тортата, израмнете ја со нож и посипете ја мешавината од искршените кори и шеќер во прав.