Крем супа од печурки е на списокот на многу омилени јадења. Доколку сакате да го продлабочите нејзиниот вкус, би било добро печурките да ги испечете во рерна пред да ги измешате со други состојки и да ги послужите како супа.
Состојки:
- 400 мл бистра пилешка супа
- 250 грама печурки
- 125 мл крем за готвење
- 125 мл млеко
- 2 главици кромид
- 2-3 чешниња лук
- 2 лажици путер
- 1 лажичка свежа мајчина душица
- 1 лажичка рузмарин
- сол и бибер по желба
- маслиново масло
Подготовка:
Загрејте ја рерната на 200 степени Целзиусови. Исчистените печурки, посолете ги, ставете бибер, преполовете ги и истурете малку маслиново масло. Зачинете ги со рузмарин. Ставете ги печурките во рерна околу 15 минути.
Во меѓувреме, сецканиот кромид пржете го во малку стопен путер и со свежи лисја од мајчина душица. Пржете додека кромидот не омекне и лесно карамелизира. Ќе ви требаат околу десет минути да го направите ова.
Додадете го исечканиот лук и оставете го да врие уште една минута. Ставете ги печените печурки и запржениот кромид со лук во блендер со малку крем за готвење и блендирајте додека не добиете мазна смеса.
Пренесете ја мешавината од печурки и кромид во тенџерето, додадете пилешка бистра супа, остатокот од кремот за готвење и млекото. Добро промешајте. Гответе на тивок оган околу 15 минути или додека не се соединат вкусовите.
Добар апетит!
