Најлесен рецепт за тестенини со спанаќ и крем сирење.
Доколку ја сакате италијанската кујна, овој рецепт ќе ве воодушеви. Италијанците се познати по вкусната храна која лесно и брзо се подготвува, како што се лазањите или пицата, како и познатото болоњезе, но ова сега е најлесното досега. Состојките директно од пакувањето сипете ги во тавчето и ставете го да се пече. Кога сте многу гладни и немате време за подготовка, ова јадење ќе биде полн погодок.
Поради својата едноставност и фантастичниот вкус, видеото е популарно на социјалната мрежа TikTok каде има над 4 милиони прегледи.
Состојки:
- 300 гр тестенини
- 1 пакување крем сирење
- 400 гр замрзнат спанаќ
- 1/2 кромид
- 2 чешниња лук
- малку пармезан
- 125 мл павлака за готвење
- 1 шолја вода
- тврдо сирење по желба
Подготовка:
Во касеролата/садот истурете ги макароните, а потоа ставете го крем сирењето, спанаќот, изблендираниот кромид и лукот (можеби во прав), посипете со пармезан, па прелијте со кремот за готвење и водата.
Додадете сол и бибер. Се пече во рерна на 200°C. Готовото јадење измешајте го, па посипете со тврдо сирење и повторно измешајте. Послужете со домати.
Пријатно!