Многу вкусно јадење со компири, пилешко, сланина и пармезан (кашкавал). Се подготвува во 1 сад и се јаде за секунда.
Состојки:
- околу 1 кг пилешко без коски
- 5-6 компири
- 3-4 парчиња сланина
- 100 гр путер
- 1/2 лажиче пармезан
- 1/2 лажиче крем за готвење
- сол и бибер по вкус
- свеж кромид за посипување
Подготовка:
Излупете ги компирите и исечете ги на коцки. Префрлете ги во подмачкана тава. Посолете и по желба посипете со малку црн пипер. Одозгора ставете пилешко, исто така исечено на парчиња. Додадете сол и бибер по вкус.
Над пилешкото ставете ја исечената сланина и прелијте со кремот. Посипете со половина пармезан (кашкавал) и ставете го путерот исечкан на парчиња. Садот за печење покријте го со фолија или капак и ставете го во загреана рерна на 180 степени. Печете 1 час.
Потоа извадете ја фолијата и печете уште 20 минути. Посипете го со преостанатиот пармезан и печете на силен оган уште 10 минути. Извадете го од рерна и послужете веднаш.
Пријатно!
