Лесно и брзо се подготвуваат, а вкусот на карамела помеѓу две крцкави обланди е комбинација од соништа.
Состојки:
- 2 листа од голема обланда
- 300 + 200 гр шеќер
- 250 гр маргарин или путер
- 3 цели јајца
- 200 гр суво грозје
- 200 гр сецкани ореви
- 300 гр мелени бисквити
- 100 гр чоколадо
- 3 лажици масло
Подготовка:
Ставете 300 гр шеќер во големо тенџере, потоа на тивок оган, така што шеќерот ќе се растопи. Додека чекате, разматете ги јајцата со остатокот од шеќерот.
Кога шеќерот ќе се растопи, додадете го путерот и измешајте додека не се соедини. Путерот ќе се оддели од шеќерот, па постепено ќе се топи. Сето ова трае околу 5 минути. Полека потоа истурете ја масата на јајца и измешајте.
Гответе околу 10 минути, додека повторно не зоврие, на средна топлина и не добиете фина карамела боја. Потоа тргнете од оган и додадете ореви, суво грозје и бисквити и соединете.
Оставете уште 15 минути да се излади. Потоа нанесете ја целата маса на обландата и распространете насекаде. Покријте со грубата страна на другата обланда и ставете нешто потешко одозгора, за убаво да се залепи.
Оставете да се излади и стегне, потоа нанесете глазура од 100 гр чоколадо, која ја стопивте на тивок оган со 3 лажици масло. Штом чоколадото се стврдне, може да се исече на парчиња и да се сервира.
Пријатно!
