Во овие зимски денови идеално време е да подготвите еден совршено убав и брз зимски ручек. Направете домашно свинско месо со праз и суви пиперки.
Состојки:
- 1 кг. домашно свинско месо
- 3 страка сецкан праз
- 7-8 суви пиперки
- 1 лажица свинска маст
- 30мл. масло (или домашна свинска маст)
- сол, бибер
Подготовка:
Во тава за пржење се ставаат свинската маст или маслото да се загрее. Се додава свинското месо (по можност домашно) исечено на коцки и се остава да се пржи околу 30 минути, односно да зарумени.
Потоа се вади месото во посебен сад и се остава на топло. А во истата маснотија се пржат сувите пиперки околу 4-5 минути. Откако ќе се испржат и тие се вадат и се оставаат на страна.
Во преостанатата маснотија се пржи празот околу 6-7 минути.
Потоа во тавата се враќаат месото и пржените суви пиперки и сите заедно се пржат уште 7-8 минути, за да се спојат вкусовите.
Се зачинува по вкус.
Послужете со топло лепче и чаша црвено вино.
Добар апетит!