Ова е сладок десерт со специфична форма, се прелива со шеќерен сируп (агда). Овој колач многу потсетува на тулумби, само што не се пржи на длабоко масло, туку е малку поздрава варијанта, па се пече во рерна.
Оваа слатка содржи и кокос и тоа е една од разликите меѓу тулумбата и него, но она што ги врзува е формата и тоа што се потопени во шеќерен сируп, т.е. агда. Не се комплицирани за подготовка, а ќе ви се допадне нивниот вкус, на кој кокосот добива специфична нота. Задолжително пробајте го овој рецепт, а можете да го послужите и на прослави.
Состојки:
- 1 јајце
- 90 мл масло или стопен путер
- 85 гр гриз
- 30 гр кокос
- 1 шолја јогурт
- 190 гр брашно
- 1 лажичка ванилин шеќер
- 1 полна лажичка прашок за пециво
За сируп:
- 425 гр шеќер
- 500 мл вода
- 1 парче лимон
Подготовка:
Во шерпата прелијте ги шеќерот, водата и лимонот, промешајте, па ставете да се свари. Кога ќе зоврие, оставете уште една минута, па оставете да се излади.
Во сад измешајте ги маслото, јајцето, гризот, кокосот, јогуртот, ванилиниот шеќер и прашокот за пециво, па измешајте. Додадете го брашното, па со шпатула соединете малку, па замесете меко тесто.
Земете парче тесто, обликувајте го со сукало, па со вилушка поминете го на средина за да направите шара. Исечете парчиња приближно 3 cm во големина. Со прстите обликувајте уште малку, па потопете во гриз и наредете во плех за печење. Направете го истото со целото тесто.
Се пече во загреана рерна на 200 степени C околу 30-35 минути. Извадете го од рерната, почекајте неколку минути, а потоа истурете го ладниот сируп. Покријте и оставете да киснат 60 минути пред да послужите.
Пријатно!
