Овој едноставен десерт одлично се комбинира со чај и кафе, но може да го послужите со пиво или вино.
Состојки:
- 2 белки
- 250 гр шеќер во прав
- 200 гр сечкани ореви
- 300 гр мелени ореви
- 1/4 сок од еден лимон
Начин на подготовка:
1. Белките изматете ги додека не добиете густа бела пена. Во белките додадете шеќер во и мешајте додека не се добие уште погуста смеса. На крај додадете ги мелените ореви и сокот од лимон (не дозволувајте да падне од месестиот дел од лимонот).
2. Убаво измешајте, но ни случајно со миксер, туку со дрвена лажица полека мешајте ги белките со оревите. Однапред подгответе голема тепсија и ставете хартија за печење. Поделете го тестото на приближно 50 парчиња-топчиња.
Секое топче со дланките обликувајте го во ролат од 5 цм, валкајте го во сечканите ореви и малку свиткајте ги краевите навнатре за да добиете форма на орасници како на сликата.
3. Орасниците се ставаат во претходно загреана рерна на 200 степени, но веднаш штом се стават во рерна тепметатурата се намалуваат на 100 степени. Треба да се остават така да се сушат околу 20 минути, но се зависи од јачината на рерната.
Кога ќе се испечат, извадете ја тавата и оставете ја да се излади и да се стегнат, па дури потоа извадете ги орасниците од тавата.