Српската гибаница е еден вид пита што се редат во слоеви, се полни со сирење и се прелива со мешавина од јогурт, јајца, масло, вода и сол.
Се служи во сите можни прилики, од појадок и вечера, преку мезе на разни веселби, до излети. Сирењето што се користи е старо тврдо кравјо сирење, бидејќи е мрсно и солено, па затоа питата е повкусна и поубава. навикнати сме на ситно сирење, но навистина ви препорачуваме да го направите со старо сирење. Одличен е и со фета сирење.
Состојки:
- 1 кг кора за пита
- 500 гр старо солено сирење
- 2 лажички сол
- 200 мл масло
- 8 цели јајца
- 200 мл вода
- 500 мл јогурт
Подготовка:
Вклучете ја рерната на 200 степени да се загрее. Поделетеги корите на 6 дела. Поделете го сирењето на 5 дела.
Намачкајте голем плех и ставете го првиот дел од корите еден врз друг и секоја премачкајте ја со малку масло. На последната кора ставете парчиња сирење. Така постапете со сите кори и сирењето.
Изматете ги јајцата со сол, додадете јогурт и вода, ако имате масло и ви останало и изматете се. Гибаницата исечкајте ја со остар нож на големи коцки и преливот прелијте го во процепите по малку.
Навалете го плехот лево-десно и напред-назад, така што преливот ќе помине насекаде. Ставете да се пече додека не порумени. Исечете ја питата повторно, покријте ја со крпа и изладете ја.
Пријатно!