Ако сакате бело месо, тогаш пробајте го во сос од лук.
Пилешкото е исклучително здраво, но и практично за подготовка. Од него можете да направите најразлични јадења, како паштети, необични предјадења, салати… Има безброј начини да го подготвите, но само внимавајте да не испадне суво. Во тоа ќе ви помогне чорбата која секое месо го прави меко и сочно. Спомнавме дека секоја домаќинка која се држи до себе мора секогаш да има подготвена чорба бидејќи тоа го прави секое јадење посебно.
Состојки:
- 400 гр пилешко филе
- 2 лажици брашно
- сол
- бибер
- лук во прав
- 1 лажица сок од лимон
- 2 чешниња лук
- оригано
- 150 гр путер
- 100 мл топла вода или бистра супа
- малку магдонос
Подготовка:
Месото исечете го на коцки, па посолете со сол и бибер и лук во прав. Измешајте го убаво со зачините, па додадете брашно 1 лажица и повторно измешајте. Вака зачинето месото испржете го на масло, па извадете го од тавата.
Во истиот сад/тава додадете го путерот и кога ќе се растопи ставете брашно (1 лажица). Промешајте и додадете сецкан лук, оригано и сок од лимон. Промешајте ја тавата убаво и додадете вода или бистра супа. Вратете го месото во оваа смеса и оставете го да зоврие. На крај посипете со сечкан магдонос.
Пријатно!