Доколку сакате да направите богата чоколадна торта со малку орев, верувајте, ова е идеалното решение.
Состојки:
за кора: ви требаат две вакви
- 5 белки
- 5 лажици шеќер
- 4 лажици мелени ореви
- 1 лажица презла
Фил (I дел)
- 10 жолчки
- 10 лажици шеќер
- 100 гр чоколадо
Фил (II дел)
- 7 дцл млеко
- 100 гр густин (или 2 пудинга нугат вкус на Dr. Oetker)
- 3 лажици шеќер
- 250 гр мелени бисквити
- 100 гр мелени ореви
- 100 гр чоколадо
Фил (Дел III):
- 250 гр маргарин
- 100 гр шеќер во прав
Повеќе:
- 100 гр чоколадо
- 500 мл слатка павлака
Подготовка:
Изматете ги белките, а потоа додадете го шеќерот и продолжете да мешате додека шеќерот не се раствори. На крај додадете мелени ореви и презла.
Соединете со миксер, па истурете во обложен плех со дијаметар од 23 см и печете во загреана рерна на 200 степени околу 15 минути. Вака подгответе ја и втората кора. Доколку сакате голема торта, испечете и трета кора и искористете ги жолчките во филот со жолчка. Може да се печат 3 кори бидејќи се добива многу голема количина крем.
Жолчките се матат 5 минути со шеќерот, да се избелат и да се раствори шеќерот, па се става на пареа да се варат. Кога ќе се загрее 15 минути. Се вади, па се додава чоколадата и се меша да се растопи. Се лади целосно.
На оган ставете 500 мл млеко да зоврие. Во 200 мл млеко се раствора пудинг или згуснувач со шеќер и се вари смесата кога ќе зоврие. Мешајте додека не се згусне, па тргнете од оган, додајте чоколадо, ореви и бисквити и мешајте да се соедини се. Потоа изладете целосно.
Се мати маргаринот со шеќерот во прав, па се додава филот со жолчка и се се мати. Ќе добиете многу фил. Ставете фолија во калапот во кој ја испековте кората и потоа редете го колачот.
Ставете ја кората па половина од филот со жолчка, потоа нанесете половина мерка изматена слатка павлака (250 мл), а потоа другата кора и врз неа остатокот од филот со жолчка. Оставете ја вака тортата во замрзнувач 2 часа.
Остатокот од слатката павлака се става да се загрее и кога е топла, но да не зоврие, се трга од оган, па се додава чоколадото и се меша да се растопи. Ставете во замрзнувач еден час да се стегне пред да ја намачкате тортата околу и одозгора. Украсете. Тортата може да се послужи веднаш, нема чекање бидејќи е веќе оставена 2 часа на ладење.
Пријатно!
