Принцес крофните полнети со руска салата се фантастично предјадење кое мора да се најде на секоја празнична маса.
Руската салата е неизбежна на празничната трпеза и нема човек кој ќе одбие да ја јаде. Истото важи и за принцес крофните, прекрасен десерт направен од тесто и фил од ванила што се топи во устата. Сега спојте ги омилените десерт и салата во едно јадење и ќе го добиете најубавото мезе – принцес крофни полнети со руска салата. Ова неодоливо мезе ќе ја комплетира секоја трпеза, а сите веднаш ќе го грабнат.
Состојки:
За тестото:
- 250 мл вода
- 125 мл масло
- 2 лажици шеќер
- 150 гр брашно
- 4 јајца
За руска салата:
- 480 гр компири
- 300 гр моркови
- 300 гр шунка
- 300 гр грашок
- 200 гр сенф
- 200 гр кисели краставички
- 280 гр мајонез
- 400 гр кисела павлака
- 4 варени јајца
Подготовка:
За тестото: Измешајте вода, масло и шеќер. Оставете да зоврие, па тргнете го од оган. Додадете просеано брашно и соединете со жица. Оставете да се излади околу 5 минути. Изматете, па додадете ги јајцата и изматете по секое додавање.
Истурете во шприц за колачиња, па истурете во плех обложен со хартија за печење. Се пече во загреана рерна на 200°C околу 30 минути. Никогаш не ја отворајте рерната додека тестото се пече. Кога ќе завршите, отворете ја вратата од рерната и оставете да се излади околу 10 минути.
За руската салата: згответе грашок, моркови, јајца, помали компири со лушпа. Оставете да се излади. Шунката, краставиците, компирите (без лушпа), морковите и јајцата исечкајте ги на коцки. Во поголем сад измешајте ги мајонезот, сенфот и павлаката, па додајте ги останатите состојки. Добро промешајте. Пробајте, а доколку е потребно додадете бибер.
За полнење на тестото: Исечете го врвот на крофните, наполнете со салата и затворете го со исеченото тесто.
Пријатно!
