Меко воздушно тесто. Не бара голема подготовка но вкусот е еден и единствен.
Состојки:
- 2,5 дл јогурт
- 3 дл млеко
- 1 коцка свеж квасец
- 1 лажица шеќер
- 1 лажичка сол
- 2 жолчки
- 1 дл масло
- 1 кг меко брашно тип-400
- 200 гр маргарин
- 250 гр сирење
- 30 гр семе од сусам
Подготовка:
Во соодветен сад измешајте ги квасецот, шеќерот и млакото млеко, па оставете ги да отстојат додека не стаса квасецот.
Во голем сад измешајте јогурт и масло, додајте квасец, сол по вкус и полека додавајте брашно, матете цело време. Кога тестото ќе почне да се одделува од вашите раце, извадете го од садот, обликувајте 9 мали кори, покријте ги со крпа и оставете ги да стојат.
Откако ќе отстојат, размесете и расукајте ги корите, а потоа со сечење во саканите форми, обликувајте и направете кифлички. Внатре наполнете ги со фил од сирење пред да ја замотате секоја кифличка.
Пред да ги печете, секоја кифличка премачкајте ја со жолчка и на секоја ставете по едно мало парче маргарин за да станат меки при печењето, а потоа посипете со сусам.
Печете ги кифличките на температура од 200 степени околу 25 минути но проверувајте ги за да не ви изгорат. Готови се кога ќе заруменат.
Добар апетит!
