Солените коцки со спанаќ од се идеални како предјадење, но и како главно јадење.
Солени коцки спанаќ кои можат да бидат идеални како мезе на разни прослави или како главно јадење, доколку ги послужите за вечера.
Состојки:
Прва кора:
- 2 јајца
- 100 гр брашно
- половина кесичка прашок за пециво
- 50 мл масло
- 100 мл јогурт
Втора кора:
- 2 јајца
- 300 гр спанаќ
- 100 гр брашно
- 50 мл масло
- 100 мл јогурт
- половина кесичка прашок за пециво
Фил 1:
- 50 гр сирење
- 2 лажици кисела павлака
- 1 лажица мајонез
- 100 гр шунка
Фил 2:
- 2 јајца
- 50 гр сирење
- 2 лажици кисела павлака
- 50 мл млеко
- 100 гр печеница
Подготовка:
Прво вклучете ја рерната на 200 C. Изматете две цели јајца, потоа додадете јогурт и продолжете со матењето. Кога ќе добиете компактна смеса, додадете брашно, па измешајте со рачен миксер.
Истурете масло и прашок за пециво, се соединете убаво и истурете во плех обложен со хартија за печење. Печете околу 20-25 минути.
За подготовка на втората кора, повторете ја постапката, освен што во нејзината смеса го додавате спанаќот. Кога корите ќе се испечат во тавата, прво се става белата кора, а преку неа се става сирењето односно фил 1.
Измешајте павлака и мајонез, па со оваа смеса премачкајте го сирењето. Преку неа наредете ја шунката, а потоа ставете ја зелената кора.
Наредете уште еден ред сирење преку кората со спанаќот, а потоа и печеницата. Во еден сад изматете две цели јајца, заедно со павлаката и млекото, сè убаво соединете, па добиената смеса истурете ја во останатите состојки во садот. Вратете ја во рерна и печете уште 10 минути на 200 C. Кога ќе се излади исечете на коцки и послужете.
Пријатно!
