Лесно е да се направи, а со својот вкус ги освојува и најпребирливите.
Состојки:
Кора:
- 6 јајца
- 6 лажици брашно
- 5 гр прашок за пециво
- 30 гр спанаќ
- 1 лажица ајвар (или концентрат од домати)
- 1 лажица масло
- прстофат сол
Фил:
- 400 гр сирење фета (или павлака)
- 300 гр шунка
- 70 гр печен сусам
- 100 гр путер или маргарин
Подготовка:
Изматете снег од 6 белки, а потоа додадете 6 жолчки, сол и прашок за пециво. Промешајте уште малку и потоа додадете 6 лажици брашно.
Поделете ја смесата во 3 чинии рамномерно. Не додавајте ништо на едниот дел , додавајте ајвар на другиот, а спанаќот на третиот.
Потоа испечете 3 кори, во намастена тава со дијаметар од 25 см. Печете на 200 степени само неколку минути, проверете со чепкалка за заби дали се печени корите.
Филот направете го од фета сирење, на кое додавате печен сусам и врел стопен путер. Почнете да ги редите корите така што ставате: кора, па фил со сирење, па наредете шунка, па повторно кора и повторете ја.
Премачкајте го сирењето над последната кора и украсете или со сусам или со рендано сирење. Ставете го во фрижидер преку ноќ за да се излади и да има убав вкус.
Добар апетит!