Цвеклото позитивно влијае на целиот организам – помага за детоксикација, односно за чистење на организмот, ја обновува крвта, го штити нашето срце, мозок, ја обновува нашата цревна флора, го зајакнува имунитетот…
Бидејќи нашиот организам е совршено поврзан, а органите постојано комуницираат, цвеклото позитивно влијае на секој од нив и им овозможува добро да комуницираат.
Цвеклото е магично, но една чаша сок дневно нема секогаш да биде доволна за регенерирање на вашето тело, доколку е премногу истоштено.
Сок од цвекло за крвна слика!
Анемијата може да биде постојана, особено кај жените, бидејќи менструалниот циклус одзема многу крв од телото.
Од суштинско значење е урамнотежена исхрана и внес на минерали, витамини и други есенцијални хранливи материи. Анемијата со себе носи низа последици, но и симптоми од кои најчести се исцрпеност, малаксаност, замор, вртоглавица со низок крвен притисок и главоболки. Тешкотии со дишењето, како и брз замор при физичка активност…
Сето тоа затоа што недостасува еден многу важен минерал – железото. Го има во изобилство во цвекло, поради што цвеклото е еден од најдобрите природни лекови за нашата крвна слика. Со редовно конзумирање на сок од цвекло, вашата крвна слика ќе биде беспрекорна, секако со балансиран внес на други здрави намирници.
Сок од цвекло за имунитет!
Цвеклото е богато и со витамин Ц, како и со витамини Б и Е, поради што е високо на листата на пожелни намирници кога е во прашање нашиот имунитет. Го детоксицира телото и го зајакнува, така што грипот и настинките не заобиколуваат во широк лак.
Кога треба да се конзумира сокот од цвекло?
Сокот од цвекло треба да се конзумира во текот на целата година, особено во зима кога обично е сезона на грип.
Сок од цвекло за црниот дроб!
Користењето цвекло, како што споменавме, помага за детоксикација на телото. Всушност, организмот сам се чисти, со помош на органите кои му служат – бубрезите, црниот дроб, мочниот меур… Но, со редовна употреба на цвекло, само го помагате овој процес.
Затоа, пиењето сок од цвекло може да го зачува здравјето на вашиот црн дроб, но и на бубрезите… Наместо да им ја отежнува работата, тоа им помага и на тој начин ги штити.
Рецепт за сок од цвекло
Состојки:
- 2 главици цвекло
- 3 моркови
- 1 јаболко
- сок од 1 портокал
Начин на подготовка:
Сите состојки ставете ги во блендер или во соковник и мешајте ги. Добиениот сок испијте го веднаш.
На здравје!
