Направете го овој освежителен пијалок од багрем. Вкусот е единствен.
Состојки:
- 120гр гранчиња свежо набрани цветчиња од багрем
- 500мл вода
- 500 гр кафеав шеќер
- 500 гр бел шеќер
- 20 гр лимонтус
Подготовка:
Кога берете багреми, одберете свежо цвеќе кое се уште не започнало да се суши, бидејќи има посилна арома. Измијте ги цвеќињата под млаз ладна вода, а потоа отстранете ја дршката (така што ќе останат само цвеќињата).
Варете го кафеавиот шеќер и водата, а потоа оставете на собна температура да се излади целосно. Потоа додадете 10 гр лимонтус, цвет од багрем во водата и покријте го садот со алуминиумска фолија, а потоа оставете го во фрижидер 24 часа.
Следниот ден исцедете ја течноста од цвеќињата на багремот, а потоа додајте бел шеќер и преостанатиот лимонтус во течноста. Оставете да стои на собна температура додека шеќерот не се раствори, мешајќи повремено.
Кога шеќерот ќе се растопи, истурете го подготвениот сируп во стаклени шишиња и чувајте го на темно и ладно место, по можност во фрижидер. Разредете го сокот со вода по вкус пред да го сервирате. Од оваа количина на состојки излегува 1 л сок од багрем за разредување.
