Ви подготвивме интересен рецепт за печен помфрит во рерна. Вака подготвените компирчиња се многу вкусни, а многу поздрави од тие што ќе ги испржите во масло
Потребни состојки:
- компири
- белки од јајца
- зачини по желба
*Колку белки ќе ви требаат зависи од количината на компири кои сакате да ги печете
Начин на подготовка:
- Advertisement -
Компирите излупете ги, измијте ги убаво и исечете ги на тенки ленти (како за помфрит). Исушете ги убаво со салвета.
Белките изматете ги убаво со вилушка и внатре додадете ги зачините, по вкус.
Исечените компири потопете ги во изматените белки и распоредете ги во тава обложена со хартија за печење или пак само намастена со масло.
Ставете ги да се печат во загреана рерна на 220 целзиусови степени додека не поруменат.
Белките во текот на печењето ќе ги направат компирчињата крцкави и нема да бидат воопшто масни.
