Цела куќа ќе мириса! Неверојатно вкусно, меко и воздушно тесто, кое целото семејство ќе го обожава.
Состојки:
- 40 гр свеж квасец (10 гр сув)
- 2 лажички шеќер
- 1,5 лажички сол
- околу 700 гр брашно (меко брашно тип 400, 500 ..)
- 350 мл млако млеко
- 100 мл масло
За бел прелив:
- половина лажица сол
- 2 лажици брашно
- околу 5 лажици вода (ладна)
- на врвот на лажичка прашок за пециво или сода бикарбона
Подготовка:
Измешајте ги сите состојки за тестото. Промешајте го квасецот со млеко и шеќер, додадете масло и брашно, и месете меко тесто и оставете го да отстои 5 минути. Промешајте повторно и оставете 20-30 минути да стаса.
Поделете го на мали парчиња од 100 гр. – 120 гр. (Се добиваат 10 ролни). откако ќе го направите ова оставете ги да отстојат 5 минути. Истегнете го секое парче тенко и долго, засукајте го и тријте го на работната површина за да формирате форма на стапче.
Наредете ги на плех со хартија за печење и премачкајте ги со масло. Оставете да отстојат така покриени околу 30 минути. Печете во загреана рерна на 200 степени околу 30 минути или додека не заруменат. Посипете со прелив од сол, брашно, вода и пециво и вратете се во рерна уште 5 минути. Премачкајте ги со топло масло.
Добар апетит!