Прекрасна салата за секоја свечена пригода.
Состојки:
- 250 гр ракчиња
- 2 кришки сирење
- 6 варени јајца
- 200 гр шунка
- 1 мала главица кромид
- 1 јаболко
- 100 гр кикирики
- 350 мл мајонез
- 2 лажици оцет
- 1 лажичка шеќер
- 1 грст ореви
- 50 мл вода
Подготовка:
Прво ставете го сирењето во замрзнувач. Исечкајте го кромидот, додадете сол, шеќер и оцет. Истурете малку зовриена вода и оставете да отстои 15 минути, додека целосно не се излади.
Ракчињата исечкајте ги на мали коцки, а потоа и шунката во посебни чинии. Излупете ги варените јајца и одвојте ги белките од жолчките. Ставете ги во посебни садови.
Во шунката, ракчињата и жолчките додадете малку мајонез и убаво измешајте ја содржината на секој сад.
Подгответе кружен калап со обрач со дијаметар од околу 18 см. Замрзнатото сирење крупно изрендајте го, па ставете го на дното од калапот и тенко премачкајте го со мајонез. Потоа ставете ги жолчките, а потоа кромидот.
За следниот слој треба да нанесете сечкани ракчиња, а над нив крупно наредете го јаболкото, а потоа ставете ја сечканата шунка. Следниот слој се крупно мелени ореви, а потоа последниот слој, рендани белки измешани со малку мајонез.
Украсете со листови магдонос по желба, извадете го обрачот и вашата салата е готова!
Пријатно!
