Слатко задоволство кое потсеќа на детството. Нема човек што може да остане рамнодушен на овој фантастичен мирис на свежо печени домашни кифлички со ореви.
Состојки:
- 400 гр. остро брашно
- 150 гр. маст
- 2 јајца
- 20 гр. свеж квасец
- 100 мл. млеко
- ситно рендана кора од лимон
- 200 гр. ореви
- 200 гр. шеќер
- 200 гр. шеќер во прав
Подготовка:
Во млако млеко додадете лажичка шеќер, малку брашно и свеж квасец. Измешјте и оставете да надојде смесата. За тоа време на даска за месење пресејте го брашното и направете вдлабнатина на средина во купот со брашно.
Во вдлабнатината истурете го надојдениот квасец, 150 грама маст, 4 лажици шеќер, ситно рендана кора од лимон, 1 цело јајце и 1 жолчка.
Од сите состојки замесете меко тесто и оставете го половина час да се одмори. Потоа развлечете го на дебелина од половина сантиметар, исечете го на коцки и филувајте го.
Филот направете го на следниот начин:
Изматете ги белките во совршена пена, додадете шеќер и на крај мелени ореви. Сето тоа добро измешајте. Со оваа смеса филувајте ги исечените коцки тесто и мотајте ги во ролни како кифлички.
Формираните кифлички подредете ги во намаслен плех и печете ги на температура од 180 степени Целзиусови, 15 до 20 минути. Печените кифлички треба да останат бели и додека се топли валајте ги во шеќер во прав.
Уживајте во вкусот, пријатен апетит!
