Погледнете што треба да ставите при подготовката на вариво од зелка, за да добиете ручек преполн со витамини, кој е добредојден во студените денови.
Состојки:
- 1 глава зелка,
- 2-3 моркови,
- 1 куп млад кромид,
- 5-6 чешниња лук,
- 1 целер,
- 2-3 компири,
- зелена пиперка (слатки и лути),
- 1-2 домати (може да се сварат),
- сушен зачин,
- мелен црвен пипер (алева),
- 1 лажица брашно,
- масло
Подготовка:
Исечете ја зелката на поголеми коцки и ставете ја половина во шерпа, а зеленчукот исечете го на прстени или коцки и ставете го во средината на шерпата врз зелката и покријте го со другата половина од зелката.
Додадете пиперки, еден лист целер или магдонос. Налијте ја шерпата со вода до половина и варете околу 45-50 минути. Додадете зачини и домати кога зелката ќе се свари и омекне.
Во тава на оган истурете малку масло, додадете брашно и ситно сецкано кромидче. Пропржете малку, додадете мелен црвен пипер, промешајте добро и тргнете го од оган и истурете ја смесата во сварената зелка.
Пробајте на вкус, а потоа додадете сол ако е потребно. Исецкајте малку повеќе лисја од магдонос.
Оставете да врие уште една минута, две и исклучете ја ринглата.
Во прилог погледнете го видеото каде е објаснета постапката.
Пријатно јадење!
Извор: Bakina kuhinja