Овој сладок десерт е одличен придружник на шолја кафе или шолја чај. Ќе се воодушевите од вкусот и мирисот.
Состојки:
Состојки за пандишпан:
- 150 грама шеќер
- 1 лажица ванилин шеќер
- 50 мл јогурт
- 100 мл млеко
- 100 мл растително масло
- 180 грама брашно
- 4 жолчки
- прашок за пециво
- мал прстофат сол и цимет
Состојки за премачкувње:
- 1 чаша/200 мл џем од сливи
- 6 белки
- 5 лажици шеќер во прав
Подготовка:
Одделете ги јајцата на жолчки и белки. Загрејте ја рерната на 180 степени. Во мала чинија додадете брашно, прашок за пециво, сол и цимет. Во тенџерето измерете ги млекото, јогуртот и маслото. Жолчките, шеќерот и ванилиниот шеќер изматете ги со електричен миксер додека не добиете лесна пенеста смеса.
Измешаните суви состојки наизменично просејте ги во смесата со жолчки и истурете ги течните состојки. Измешајте ги сите состојки и истурете ги во плех 30*40 обложен со хартија за печење и во загреана рерна 25 минути. Бисквитот e готoв кога од него ќе се извади чиста чепкалка за заби.
Во последните 5 минути од печењето почнуваме да го подготвуваме кремот од белка. Изматете ги белките заедно со прстофат сол додека не се стегнат. Потоа додадете шеќер и матете уште 5 минути.
Бисквитот премачкајте го со џем од сливи и покријте го со снег од белки. Ставете ја тавата повторно во загреаната рерна додека горниот дел од белките не порумени – околу 5-8 минути. Изладете го пецивото и послужете.
Пријатно!
