Само неколку намирници се неопходни за овој прекрасен намаз кој одговара буквално со се. Ви препорачуваме најпрво да го испробате овој намаз со печено или пржено месо.
Уживајте во вкусот!
Состојки:
- 1 лажица масло
- 3 млади кромидчиња (одделен бел и зелен дел)
- половина лажичка сол
- 1 авокадо
- 200 гр грчки јогурт
За сервирање:
- Чипс, тортиља пита или такос (по избор)
Подготовка:
Загрејте го маслото на средна топлина. Додадете малку сол заедно со белиот дел од младото кромидче, сецкан на ситно. Пржете околу 3 минути, со постојано мешање, додека кромидот не зарумени.
Пренесете го пржениот млад кромид во сад со средна големина и додадете едно авокадо, грчки јогурт и преостаната сол. Добро измешајте за да се соединат состојките, а авокадото лесно изгмечете го така да ви останат мали парченца во смесата.
Пробајте го добиениот намаз и по потреба додавајте уште зачини, како и зелениот дел од младото кромидче, сецкан на ситно.
Послужете со такос, тортиља или чипс.
Добар апетит!
Извор: Stvar ukusa
