Овој рецепт ќе го собере семејството на куп. Неверојатно вкусно јадење кое се подготвувало уште од дамнина. Подгответе јагнешка дроб сарма на селски начин, по рецепт од нашите предци.
Во продолжение погледнете го рецептот и уживајте во вкусот.
Состојки:
- 1кг. јагнешки комплет (јагнешко белодробно крило, црн дроб и срце)
- 2 чаени чаши ориз
- 6 чаени чаши буљон за супа
- 1 лажица нане
- сол
- 50 мл. масло
- 3 јајца
- 120 мл. млеко
- 2 лажици. брашно
- 1 главица кромид
Начин на подготовка:
Јагнешкиот комплет (1 кг), кое содржи јагнешко белодробно крило, црн дроб и срце, се вари додека не се подготви. Чорбата од готвењето се зачувува и потоа се филтрира.
Готвењето на јагнешко месо трае околу еден час додека деловите не станат целосно меки. Потоа оставете малку да се излади и исечете ги на коцки.
Кромидот (1 глава) се сецка ситно и се запржува со масло, додека не омекне. Потоа се додава оризот и се пржи додека не стане прозрачен. Се меша со ситно сецкаото јагнешко месо и се зачинува со сол и нане (1 лажица).
Истурете во тава и додадете ја супата. Печете на силен оган во рерна, околу еден час или додека оризот ја впие течноста. Потоа истурете мешавина од изматено млеко (120 мл.), брашно (2 лажици) и јајца (3 парчиња), и вратете ги во рерна уште 15 минути.
Сармата од јагнешко може да се сервира топла или ладна.
Пријатен апетит!
