Едноставно и толку добро.
Филот е сирење а може да биде и ваш, по избор. Се печат со многу малку масло, за да не се мрсни, а тестото е меко и кога се ладни, па и да останат неизедени од вечерата, сепак следниот ден се одлични.
Состојки:
- 500 гр меко брашно + за месење
- 1 лажица шеќер
- 7 гр сув квасец или 25 гр свеж квасец
- 1 лажица сол
- 50 мл масло
- 300 мл вода
- 3 брикети одмрзнат спанаќ или ситно сечкан свеж спанаќ, можете и да го обарите
- 400 гр сирење за полнење по желба
Подготовка:
Во сад се става брашното, се додава шеќерот и квасецот и се меша. Потоа додадете сол, речиси целото масло и прелијте со вода. Со миксер се меша колку што е можно, па се замесува тесто. Тестото сепак ќе биде лепливо, па посипете го со една рака брашно и замесете.
Сега прелијте го остатокот од маслото, малку измешајте и оставете да отстои 30-60 минути на топло место. Добиеното тесто замесете го со малку брашно, само завиткајте го и поделете го на 10 дела. Секој дел формирајте го во топка. Подгответе го филот од сирење и спанаќ, само измешајте ги.
Секое топче развлечете го тенко, со дијаметар од 20-25 см и од едната страна ставете го филот. Преклопете ја другата страна и притиснете. Направете го тоа со сите 10 топчиња. Покријте со крпа додека ја подготвувате тавата и загрејте го маслото во неа. Загрејте на појак оган, но не на најжешко. Истурете малку масло да се подмачка тавата.
Ставете лепче да се пече, па горната страна премачкајте ја со масло. Свртете по една минута. Времето за печење е околу 4 минути. Испечените лепчиња ставете ги на салфетка и послужете ги топли.
Пријатно!