Која е тајната на вкусниот козињак – оној го правеа нашите баби. Веднаш ви кажуваме – квалитетните домашни производи и фактот дека нашите баби не штедеа на ништо.
Денес ви предлагаме да го замесиме заедно овој селски козињак како и во старите денови! Еве како се прави селскиот козињак на баба.
Состојки:
- 700 гр брашно
- 1/2 коцка свеж квасец (20 g)
- 4 јајца (оставете 1 жолчка на страна)
- 150 мл свежо млеко
- 120 гр шеќер и уште малку да се посипе
- 2 ванили
- кора од еден лимон
- 60 гр путер
- прстофат сол
- мармалад од шипка
Подготовка:
Активирајте го квасецот во топлото млеко со шеќер 1 лажиче и 2 лажици брашно и оставете да нарасне. Ставете го брашното во сад, додадете малку сол, направете дупче на средината и истурете ги изматените јајца со шеќер, стопен путер – не врел, кората од лимон, ванила и пенест квасец.
Месете меко тесто, и во зависност од големината на јајцата можете да додадете малку повеќе брашно или малку топло млеко, доколку е потребно. Расукајте го тестото и оставете го да нарасне на топло најмалку еден час и половина.
Месете го тестото на набрашнета површина и поделете го на 3 топчиња, од кои секоја се расукува во кора дебела околу 5 мм, се мачкаат со мармалад, и се ролаат. И кога сите три се подготвени, направете плетенка, ставете во плех во кој претходно сте ставиле хартија за печење и оставете повторно на топло, завиткано во фолија на околу еден час.
Откако повторно ќе нарасне, намачкајте го козињакот со жолчка (може да ја измешате со малку свежо млеко и масло), посипете со гранулиран шеќер и печете во загреана рерна. На почетокот – 10 минути на 50 степени, а потоа околу 40 минути на 180 степени. За време на печењето, покријте го со фолија, само малку одозгора за да не изгори.
Уживајте!
