Меко и сочно месо кое се подготвува во рерна, за сите оние жени кои немаат многу време, а сакаат нивното семејство да има вкусен оброк…
Со оваа подготовка имате многу слободно време кое можете да го искористите за приготвување прилози, салата, можеби дури и торта. Добро оди со ориз, секаков вид рижото и компири.
Состојки:
- 6 големи парчиња врат (околу 1,2 кг)
- 1 лажица сув зачин
- 1 лажица сушен лист магдонос
- 1 лажичка сушен босилек
- 2 ловорови листови
- 1 лажица мелен црвен пипер
- 500 мл вода + 300 мл
- 2 лажички брашно
- 2 лажички сол
Подготовка:
Вклучете ја рерната на 200 степени. Месото се става во тавче, се посипува со суви зачини, листовите од магдонос, босилек и ловоров лист. Потоа истурете 500 мл вода. Ставете во рерна да се пече еден час.
Завртете неколку пати за време на печењето. По еден час измешајте 300 мл вода, брашно, црвен пипер и сол. Прелијте го месото, протресете ја тавата и вратете уште 30 минути да се пече. Протресете ја тавата пред сервирање за да се изедначи сосот. Послужете топло.
