Извонреден појадок или предјадење за секоја прилика!
Потребни состојки:
- 1,5 децилитар млеко
- 1,5 дл. вода
- сол по вкус
- 400 гр. брашно
За фил:
- 500 гр. пилешко филе
- 1 главица кромид
- 80 гр. свинска печеница
- 1/2 лажички сецкан босилек
- 1/2 лажички сецкан магдонос
- 1 чешне лук
- 2 јајца
- 40 гр. рендан пармезан
- 1,5 дл. павлака за готвење
- 1/2 чашка коњак (25мл.)
- 1 лажичка сенф
- 2 лажички масло
- сол по вкус
Начин на подготовка:
Измешајте го маслото со млеко, вода и прстофат сол, додадете го брашното и замесете тесто. Покријте го со провидна фолија и ставете во фрижидер околу половина час.
За подготовка на филот, пропржете го кромидот и лукот на малку масло, додадете две лажици вода и динстајте додека испари течноста. Покачете ја температура на готвење, додадете го пилешкото филе насечено на коцки и ситно сецканата свинска печеница. Пржете 3-4 минути.
Зачинете и прелијте со дадената количин коњак. Кога коњакот ќе испари додадете ја павлаката. После пет минути додадете го ситно сецканиот босилек и магдонос. На крај во оладената смеса измешајте 2 јајца и пармезан.
Размесете 2/3 од тестото во дебелина од 3-4 милиметри и префрлете го во намаслен плех. Избоцкајте го дното со виљушка, премачкајте го со сенф и истурете го подготвениот фил. Покријте ја површината со лентички од преостанатото тесто.
Печете 45 минути на 180 степени.
Пријатен апетит!
