Заменете ја класичната сарма со модар патлиџан и ореви, па послужете ги како предјадење или ручек.
Сармите се омилено јадење, но можете да најдете и добра замена за нив, особено ако постите. Отсега повеќе не ви треба зелка, можете да ја замените со главната храна за грчката мусака, модар патлиџан. Месото ќе го избегнувате со фил од ореви, мед и бројни зачини. Пробајте го овој грузиски рецепт за сарма што веројатно не сте го пробале досега. Пред нив, доколку ги послужите како главно јадење, послужете како предјадење топчиња од наут.
Состојки:
- 2 модри патлиџани
- 200 гр ореви
- 3 чешниња лук
- 1/4 лажичка чили
- 1 лажица коријандер
- 1 лажичка шафран
- 3-4 лажици млака вода
- 2 лажици вински оцет или јаболков оцет
- 2 лажици маслиново масло
- 1 лажица јаворов сируп или мед
- 1/4 печен кромид
Подготовка:
Модар патлиџан се сече на листови, се посолува и се остава да отстои еден час. Во меѓувреме подгответе го филот со ореви. Прво сомелете ги во блендер, а потоа и лукот.
Измешајте ги во еден сад, додадете чили, коријандер, шафран и измешајте сè. Истурете вода, оцет и измешајте ја смесата со рака. Ставете малку мед, а потоа печен кромид.
Водата од садот истурете ја од модриот патлиџан, па пржете ги малку на масло од двете страни. Наполнете ги модрите патлиџани со фил од ореви, па завиткајте ги во сарма.
Пријатно!
