Вкус и мирис чиста десетка. Нема подобар десерт од овој.
Саралија е вид на валана баница со ореви и сируп, слична на баклавата.
Состојки:
- 300 мл млеко
- 1 лажиче сол
- 1 лажиче шеќер
- 125 гр путер,
- 20 гр од квасец
- 1 кг брашно
За полнење:
- 500 гр Ореви
- 200 гр Шеќер
- цимет по вкус
За сирупот:
- 1 литар вода
- 1 кг на шеќер
Подготовка:
Квасецот се раствора во млекото, се додава сол, шеќер и брашно. Смесата се замесува во меко тесто. Поделете го на два дела. Оставете малку да отстои па расукајте слој со дебелина од околу 5 мм.
Намачкајте го слојот со растопен путер и посипете со филот од ореви, цимет и шеќер. Свиткајте во ролат и исечете ги на дебели кришки од 6-7 мм. На ист начин подгответе го вториот слој.
Ставете ги во подмачкана тава за печење и оставете ги да нараснат околу 40 минути. Печете додека не поруменат, во умерено загреана рерна на 200 степени Ц. Откако ќе се излади, готовата „саралија“ се прелива со зовриениот сируп.
За подготовка на овој сируп, шеќерот и водата се варат 5 минути, бидејќи течноста треба да ја добие потребната густина. Прелијте ја саралијата, почекајте одредено време додека да впие од сирупот и сладењето може да започне.
Пријатно!