Се состои од многу зеленчук и една состојка му дава прекрасен, освежителен вкус. Оваа салата со тестенини се прави многу брзо и лесно, и е одлична како прилог на главното јадење, и како оброк салата.
Состојки:
- 400 гр тестенини
- 1 главица пурпурен кромид
- 1-2 чешниња лук
- 1 морков
- 3-4 кисели краставички
- 1 чаша слатка пченка
- 1 чаша јогурт од 180 гр
- сол
- 150-200 гр сирење фета
- 2 варени јајца
- магдонос
- бибер
Подготовка:
Во тенџере ставете вода да се загрее и посолете ја водата. Исецкајте ги кромидот и морковот на потенки парчиња. Потоа исецкајте ги и киселите краставички.
Во врелата вода ставете да се варат тестенините и морковот за да омекне малку. Кога ќе биде готова, исплакнете со ладна вода и процедете.
Ставете ги тестенините во голем сад, додајте ги краставичките и кромидот и промешајте. Потоа додадете ја пченката, изгмечен лук, јогуртот, сирење фета и повторно измешајте.
Зачинете со сол и бибер по вкус. Одозгора на салата ставете ги варените јајца исечени во форма по желба и наросете со магдонос.
Пријатно!