Вкусна салата богата со многу витамини. Се подготвува многу лесно и едноставно. Изрендајте морковии и спремете „дресинг“ кој ќе и даде посебен шмек. Одлична е во комбинација со чашка добра домашна ракија.
Состојки:
- 300-400 г моркови
- 1 лажичка сенф
- 1 лажица сок од лимон
- 3 лажици маслиново масло
- 1 лажичка мед
- малку сол, црн пипер
- малку свеж магдонос
Подготовка:
Морковот добро измијте го, излупете го и изрендајте го.
- Advertisement -
Во поголем сад, измешајте го сенфот заедно со лимонот и маслиново масло. Додадете мед и зачинете. Магдоносот ситно исечкајте го.
Добро измешајте го добиениот дресинг заедно со ренданиот морков и послужете ја салатата.
Добар апетит!
