Оваа салата се прави брзо, многу е едноставна и одлична е како додаток на трпезата, одлично оди со секое печење.
Најчесто се подготвува за разни прослави со руска салата и кисели краставички.
Состојки:
- 600 гр свежи печурки
- 200 гр слатка пченка
- 6 лажици масло
- 1 лажица сув зачин
- 400 гр кисела павлака
- 200 гр мајонез
- една лажичка сув зачин
- една лажичка сушен лист од магдонос
Подготовка:
Шампињоните исечкајте ги на листови, додадете масло и зачин и ставете на оган. Шампињоните ќе испуштат вода штом ќе се загреат, па нема потреба да додавате вода. Варете ги додека не испари целата вода и малку се запржат на масло. Сето тоа трае околу 10-15 минути.
Во меѓувреме во друг сад ставете ја пченката да се свари. Оставете ги шампињоните да се изладат, почекајте да се свари пченката и поминете низ ладна вода, па оставете да се излади и исцедете.
Во меѓувреме измешајте ги павлаката, мајонезот, сувите зачини и магдоносот. Во пченката додадете печурки и мајонез и се соединете со лажица. Оставете да се излади во фрижидер, а потоа послужете но пред послужување оставете ја салатата да отстои на собна температура околу 10 минути.
Пријатно!