Ручек од рерна кој лесно се прави, е вкусен и мириса прекрасно. Компирите, месото и зеленчукот добро се вклопуваат со сирење и заедно даваат одличен вкус.
Состојки:
- 1 кромид
- 280 гр мелено месо
- 2 поголеми компири
- 1 чаша замрзнат зеленчук (може да биде свеж)
- 2 јајца
- 4 лажици кисела павлака
- 150 гр сирење
- сол по вкус, бибер и лук во прав
- малку масло
- 6 парчиња сланина
- Малку свеж домат
- малку магдонос
Подготовка:
Запржете го малку кромидот на маслото па потоа ставете го и меленото месото. Заедно пропржете ги додека месото убаво не се запржи и стане сиво. Потоа во месото додадете го и замрзнатиот зеленчук.
Компирите излупете ги и насечкајте ги на кругчиња па наредете ги во плех подмачкан со масло. Смесата која ја запрживте претходно ставете ја врз компирите, и посолете со зачини по желба. Потоа наредете ги парчињата сланина и врз нив насечен домат на кругчиња.
Печете на 200 С околу 20-25 минути. Потоа извадете го од рерна. Изматете на страна две јајца, сирење, павлака и со оваа смеса полијте го јадењето кое го извадивте од рерна. Печете уште 10 минути. Нема да ви треба многу време за да го подготвите овој ручек и ќе уживате во вкусот.
Пријатно!
