Реклама
Доколку немате идеја што да направите за ручек, ова вкусно пилешко е одлично решение.
Состојки:
- 10 пилешки батаци
- 2 чаши лебни трошки
- 100 гр пармезан
- 4 лажици магдонос
- 2 лажички слатка црвена пиперка
- 2 лажички лук во гранули
- 1 лажичка суво оригано
- 2 лажички сол
- 3 лажици сенф
- 200 грама путер
- бибер
Подготовка:
Загрејте ја рерната на 200 Целзиусови степени и со путер премачкајте ја тавата во која ќе ги печете батаците.
Реклама
Во посебен сад измешајте ги лебните трошки, ситно рендан пармезан, ситно сечканиот магдонос, ориганото, слатката пиперка и лукот во гранули. Додадете бибер, и се добро измешајте.
Во сад растопете го путерот, додадете го сенфот и се убаво измешајте. Премачкајте ги батаците со мешавина од сенф и путер, а потоа виткајте ги во смесата од лебни трошки и другите состојки.
Реклама
Наредете ги батаците во сад за печење и печете ги околу еден час или додека не поруменат. Одлично одат со ладно пивце.
Пријатно!