Јадење од кое ќе ви се отвори апетит, и ќе посакате и репете. Нешто незамисливо вкусно.
Состојки:
- 1 кг јагнешко
- 1/2 кг кромид
- малку мелен пипер
- грст магдонос
- 150 мл павлака
- 2 лажици масло
- 2 лажици брашно
- 1/2 л вода
- сол
Подготовка:
Користете го месото од предната страна на јагнето. Измијте го месото и исечете го на помали парчиња. Излупете го кромидот, измијте го и исечете го на тенки парчиња.
Загрејте го маслото, врз него пропржете го кромидот и додадете го јагнешкото исто така малку да се испржи, па насекаде посипете брашно и прелијте со вода. Покријте и варете на средна топлина.
- Advertisement -
Кога јагнешкото ќе биде половина сварено, додадете малку мелен пипер, ситно сечкан магдонос и посолете по вкус. На крајот изматете ја павлаката, додадете ја во јадењето а потоа оставете го да се готви додека јагнешкото целосно не омекне.
Пријатно!
