Доколку не знаете што да подготвите за ручек денес, ви предлагаме старомоден пилав.
Кога веќе подготвувате пилав, лесно можете веднаш да подготвите домашна супа. Овие две јадења не можат и не треба да се одвојат, особено што лесно се подготвуваат.
Состојки:
- 5 пилешки копанчиња или друго пилешко месо по ваш избор
- 3 моркови
- 2 глави кромид
- 1 ситно сечкан компир
- 1 чаша ориз од 200 мл
- бибер, сув зачин, сол, куркума
- фиде
- магдонос
Подготовка:
Месото измијте го и ставете го во тенџере со многу вода,еден исецкан морков, една исецкана главица кромид. Кога месото е речиси сварено, оставете го на страна.
Во тавче издинстајте еден ситно исечкан кромид, 2 рендани моркови во малку вода. После тоа, додадете измиен ориз и зачини (бибер, зачини за сув зеленчук, куркума). Кога оризот ќе почне да се лепи за тавата, префрлете го во плехче па додајте ги сварените пилешки батаци и ситно сечканите компири.
Истурете вода од тенџерето во кое сте го вареле месото, односно за една чаша ориз се додаваат три чаши вода и уште една чаша вода за останатиот зеленчук. Ставете во рерна да се пече на 200 степени целзиусови околу половина час.
За супата, во тенџерето во кое сте го зготвиле месото ви останува зеленчук односно морков и кромид. Додадете повеќе вода, тестенини/фиде и зачини, како и магдонос и варете 15 минути. Така, добивате и супа и главно јадење!
Пријатно!
